|
Wezareta Pêşmerge: “ Çi binkeyên MOSADê li Kurdistanê nînin”
|
 27ê Adara 2012ê/11:45
Wezareta Pêşmergeya Herêma Kurdistanê nûçeya rojnemaya îngîlîzî Sunday Timesê derew derxist ku îdia kiribû MOSAD binke li Herêma Kurdistanê heye û ji wir çavdêriya bernameya etomî ya Îranê dike.
Dengê Azad/Hewlêr
Wezareta Pêşmerge îro bi ragihandineke resmî, nûçeya Sunday Timesê derew derxist û diyar kir ku ew wan gotegotan red dikin ku dibêjin li herêmê binkeya MOSADê heye û ji wir diçin nav axa Îranê û çavdêriya bernameya etomî ya Îranê dike.
Wezareta Pêşmerge bang li rojnameya Sunday Timesê kir ku serdana herêmê bikin û ji nêz ve bi çavê xwe bibînin ku tu binkeyên MOSADê li herêmê nînin.
Li gor ragihandinê, ku ji zarê Cebar Yawer hatiye belav kirin, herêm çi têkiliyeke dîplomatîk, leşkerî, bazirganî û ewlekarî digel Îsraîlê nîne û kengî Iraqê têkilî bi Îsraîlê re danî ew jî dê digel wî welatî têkilî daynin.
|
|
Tuesday, March 27, 2012
|
|
|