26ê Nîsan a 2012/19:00

Îro li Hewlêrê semînerek li ser damezrandina Roja Xwendekarên Kurd yên Rojhilata Kurdistanê hate lidarxistin.

Dengê Azad/Hewlêr

Îro li Hewlêrê semînerek li ser damezrandina Roja Xwendekarên Kurd yên Rojhilata Kurdistanê li hola konferansê a Partiya Komunîst a Kurdistanê ku ji aliyê Endamê Komîta Navendî a PDKÎ Şaho Ferazmend, Endamê Rêvebiriya Yekîtiya Xwendevanên Demokrat ên Kurdistana Îranê Xalib Hebîbî û Endamê Komîteya Hewlêrê yê PDKÎ Fexredîn Husamedînî ve hate sazkirin.

Semînera ku ji aliyê Yekîtiya Xwendekanên Demokrat ên Kurdistana Îranê ve hatibû lidarxistin, Nunerê Partiya Demokrat a Kurdistana Îranê-PDKÎ Tahir Mehmûdî, Nunerê Partiya Sosyalîst a Kurdistan-PSK Ararat Jînwar û endamê partiyê Azad Diyar, Endamê Polîtburoya Partiya Komunîst a Kurdistan Bavê Tara, Berdevkê Demkî a ENKS li Herêma Kurdistanê Bavê Sebir, Serokê Yekîtiya Xwendevanên Demokrat ên Kurdistana Îranê, Serokê Yekîtiya Qutabiyên Kurdistanê Îrfan Barzanî û gelek xwendevanên zanîngehên Herêma Kurdistanê beşdar bûn.

Semîner rêzgirtin ji bo giyanî pakî şehîdên Kurdistanê destpêkir. Piştre peyama Yekîtiya Xwendekarên Demokrat ên Kurdistana Îranê ji aliyê Nermîn Osmanî ve hate pêşkêşkirin.

Gotarvanan di her sê beşên cuda yên babetên xwe de li ser rewşa damezrandina Yekîtiya Xwendekarên Demokrat ên Kurdistana Îranê, bandora rejîma Şahînşahî û rejîma Îslamî a Îranê li ser xwendevanên Kurd û jiyana şehîd Simayîl Şerîfzade xistin berbehs.