26ê Tîrmeh 2010/16:50
Wezîrê perwerde yê Herêma Kurdistanê pêşniyar kir ku dibistanên tirkmenan bên kêmkirin, tirkmen jî nerazîbûna xwe li hemberî wê pêşniyarê nîşan dan.
Dengê Azad/Hewlêr
Wezîrê perwerde yê hikûmeta Herêma Kurdistanê Sefîz Dizeyî dibistanên tirkmenan yên li Hewlêrê bên kêmkirin û hemû di dibistaneke 27 sinifî de bên bicihkirin.
Tirkmenên bajarê Hewlêrê jî nerazîbûna xwe li hemberî wê pêşniyara wezîrê perwedeyê nîşan dan û diyar kirin ku ew tiştekî wiha qebûl nakin.
Serokê Ocaxa Tirkmenan a Hewlêrê Aydin Erselan di daxuyaniyekê de wiha got: “Em wek neteweya duyem a Kurdistanê, qebûl nakin ku tenê yek dibistan bo tirkmenan hebe. Rast e xwendekarên tirkmen bi berhevdan digel salên bihurî kêm bûne lê nabe neteweyek tenê di yek dibistanê de bixwînin.
Cihê amajepêkirinê ye, li Hewlêrê 3 dibistanên dayîkê, 4 dibistanên navendî, amadeyî û 9 dibistanên seretayî yên tirkmenan hene.