29ê Tîrmeh 2010/15:25

Endamê Lîsteya El Iraqiyeyê Omer Cibûrî diyar kir ku bikaranîna Kerkûkê wek karteke siyasî ji aliyê Hevpeymaniya Kurdistanê ve di gotûbêjên digel qewareyên din de, nayê qebûlkirin û cext li ser wê yekê jî kir ku ew dosye nikare bikeve bernameya karê gotûbêjên navbera El Iraqiye û Hevpeymaniya Kurdistanê.

Dengê Azad/Bexda

Cibûrî diyar kir ku serokê şandeya danûstandinê a kurdî Roj Nûrî Şaweys ragihandiye ku Kerkûk di warê dîrokî û neteweyî de ser bi Herêma Kurdistanê ye û got: “Em vê daxuyaniya Şaweys red dikin û didin zanîn ku ev yek derfetên gotûbêjên cidî yên digel aliyên kurdî kêm dike.”

Endamê Lîsteya El Iraqiyeyê Omer Cibûrî got: “Em bikaranîna Kerkûkê wek karteke siyasî ji aliyê Hevpeymaniya Kurdistanê ve di gotûbêjên navbera qewareyên siyasî de, red dikin û radigihînin ku meseleya Kerkûkê nikare bibe bernameya karê gotûbêjên navbera El Iraqiye û Hevpeymaniya Kurdistanê.”

Cibûrî da zanîn, rijdbûna kurdan li ser kurdistanûbûna Kerkûkê ji aliyê hemû pêkhateyên Iraqê ve tê redkirin û got: “Bi taybet jî ku madeya destûrî a taybet bi wî bajarî di 1’ê berfanbara sala 2007’ê de bi ser çûye.”